Në këtë dritare do të gjeni informacion mbi vendin e tregtisë mes Shqipërisë dhe Turqisë, kërkesat që duhet të plotësojnë produktet shqiptare për t’u eksportuar në Turqi dhe kërkesat që duhet të plotësojnë produktet e prodhuara në Turqi për tu importuar në Shqipëri.
Shqipëria ka një Marrëveshje të Tregtisë së Lirë me Turqinë, të nënshkruar në 2006, dhe e cila ka hyrë në fuqi në Maj 2008. Nëpërmjet kësaj Marrëveshje dy vendeve u krijohen mundësi për rritjen e shkëmbimeve tregtare ndërmjet tyre.
Turqia është një partner i rëndësishëm i Shqipërisë në tregtinë Ndërkombëtare. Për vitin 2016, shkëmbimet tregtare me vendet e CEFTA-s përfaqësojnë 5. 9 % të volumit të tregtisë ndërkombëtare, sidomos në pikëpamje të importeve; importet nga Turqia përfaqësojnë 7. 9 % të importeve. Ndërkaq, eskportet drejt Turqisë janë modeste dhe përfaqësojnë vetëm 1. 2 % të exporteve gjithsej. Produktet më të eksportuara janë: mineralet dhe metalet, bimët aromatike e mjekësore, dhe produktet fason.
Eksportuesit e interesuar, mund të përfitojnë nga Marrëveshja e tregtisë së lirë mes Shqipërisë dhe Turqisë, e cila u jep atyre mundësinë e eksportit të një numri produktesh shqiptare në tregun rajonal pa tarifa doganore ose me kuota tarifore (referoju ‘Marrëveshje të tregtisë).
Eksportet e produkteve industriale me origjinë shqiptare janë të liberalizuara. Ndërkohë, për produktet bujqësore palët i kanë akorduar reciprokisht njëra - tjetrës tarifa preferenciale dhe kuota tarifore.
Marrëveshja e tregtisë së lirë mes Shqipërisë dhe Turqisë rregullon tregtinë preferenciale mes të dy vendeve. Marrëveshja mund të konsultohet në http://www.dogana.gov.al/dokument/669/mtl-me-turqine.
Për më shumë informacion rreth rregullave të eksportit në Turqi mund të aksesoni në linkun: http://english.gtb.gov.tr/trade/customs/import.
Importet e produkteve industriale me origjinë turke janë të liberalizuara. Ndërkohë, për produktet bujqësore palët i kanë akorduar reciprokisht njëra – tjetrës tarifa preferenciale dhe kuota tarifore.
Marrëveshja e tregtisë së lirë mes Shqiopërisë dhe Turqisë rregullon tregtinë preferenciale mes të dy vendeve. Marrëveshja mund të konsultohet në http://www.dogana.gov.al/dokument/669/mtl-me-turqine.
Për të njohur nivelin e tarifave doganore dhe kërkesat dokumentare e rregullatore të importit të produkteve në Shqipëri, ndiqni hapat e mëposhtëm.
- Klikoni linkun e mëposhtëm: http://madb.europa.eu/madb/indexPubli.htm.
- Tek "Vendi"("Country"), zgjidhni në çdo rast Albania.
- Tek "Kodi i produktit" ("Product code") Vendosni kodin e produktit që doni të importoni në Shqipëri. Nëse nuk e dini kodin, klikoni tek “Gjej Kodin e Produktit tim” (“Find my product Code”).
- Klikoni tek "Tarifat e zbatuara" ("Applied Tariffs") për të mësuar tarifat dhe pagesat e tjera të importit të produktit në Shqipëri.
Tregtia e produkteve industriale është e liberalizuar. Për tregtinë bujqësore, konsultoni tarifat MFN (Tarifat e zbatuara) nëse produktet nuk janë subjekt i tarifave preferenciale dhe kuota tarifore.
Klikoni tek “Formalitetet e importit” ("Import Formalities") për të mësuar kërkesat dokumentare e rregullatore të importit të produktit në Shqipëri.
Marrëveshja e tregtisë së Lirë mes Shqipërisë dhe Turqisë rregullon tregtinë preferenciale të vendeve. Marrëveshja mund të konsultohet në http://www.dogana.gov.al/dokument/669/mtl-me-turqine.
